My Blog

As if Filipino Channel & me as a pinoy heto ang aking mga lait sa ABS-CBN. Numero uno, si Kris Aquino. Sus ginoo, kung alam lang siguro ni Ninoy ang isa sa magiging bunga ng demokrasya sa Pilipinas ay ang pag-aartista ni Kris ay siguro hinayaan na nya si Marcos at ang Martial Law. Tangna! Ikulong nyo na lang ako!!! Oks naman si Kris kung tutuusin, ibinabahagi nya ang kanyang nararamdaman at naiisip at hindi sya plastik pero ewan ko ba?! Para syang si LA Lopez, nakakairita! Napakataklesa at napakababaw na tao. Halatang ginagamit muna ang bibig bago ang utak. "Korek?", "Korek!"’  "Ok bang dress ko?"’  "Makinis bang balat ko?", "Kuya Boy!!!" Sus ginoo talaga, parang napakahayok sa lalaki! Tatanungin yung kontestant nya, "Married ka? Happy?" So what?! Just shut up!

Wowowee! Ilang beses sa palabas na ito patutugtugin ang "Beep, Beep", "Wowowee" at "Pito-Pito?" Hay nako!!! Hirap na nga ang pinoy pinamumukha mo pang mas mababa pa kami sa lupa na wala nang pag-asa ang pinoy kundi ang channel 2! Tsk! Tsk!

Hiram, he he! Saan ka nakakita ng isang batang pinalaki sa tamang pagmamahal at pagiging totoo ang basta-basta na lang lolokohin ang kanyang pamilya? Saan ka rin makakakita ng isang napakabait na babae na nakisama sa mortal na kaaway ng iyong fiance? At aasahan mo na maintindihan siya ng kanyang tinorotot na kasintahan? Wow! Oo nga pala, bakit palaging pabulong at malungkot si John Estrada? Bagay sila ni Kris kasi pareho sila ng acting style. Ano kayang tawag doon, paawang passive acting? Ewan?

Kamao. Ano kayang kinalalaman ng ibang challenges para sa mga challenger? Paano ka kaya huhusay sa boksing kung pagtratrabahuhin ka bilang lead vox ng banda, beautician, etc? Di ba dapat pina-eensayo ka? Nakakatuwa lang pati doon eh si Vena Muralis, pag merong laban at sya ang commentator eh nakanganga lang, he he!

Stardance. Heto pa! Anong kinalalaman ng pagsasayaw sa ilalaim ng tubig sa kontest na ito? Bakit kailangan nilang magpaganda at mag-acting kung magiging dancer sila? Huh? Di mo rin alam?! Bobo! Kailangan yun para maging mahusay na dancer!!!

Kaya mo ba ito?! Indeh!!! Kaya mo bang makasama sa isang isla si Carlos Agassi sa loob ng tatlong araw? HINDEH!!! PATAYIN NYO NA LANG AKO!!! O di kaya eh ideploy nyo na lang ako sa Iraq!!!

Dehins naman lahat ng show sa dos eh palpak, oks naman yung Goin’ Bulilit, NGINIIG!!! at yung mgas news kahit napapansin mo na biased ang kanilang pagpapalabas ng balita. Eh ano pa nga ba di ba? Money talks!!! Yung mga nag-aabot sa Bantay Bata 163 sana ginagawa nila yun ng tapos sa puso at hindi dahil nasa TV sila. Sana magbigay din sila sa ibang proyekto lalo na yung di sikat at mas nangangailangan. 

24 Apr 20051015 BMC Schwab, Okinawa, Japan. 2 mons na ngayon ang si Ina. Dito ako ngayon sa Schwab naka-COD duty. Di na masama ang duty dito kumpara sa Hansen na kung saan mas marami ang pasyente. Kaka-check in lang ng una naming pasyente ngayon, heat cramps sa R ant lower leg S/P soccer game. Sumilip nga ako sa likod kani-kanina lang at nakitang merong naglalaro ng soccer sa field. Sabi ko sa sarili ko sasabihan ko ang mga bata na magstand by baka merong maging pasyente. Pagpasok ko hayun meron na ngang pasyente.

Itong medical duty na ito napakalayo kumpara sa trabaho ko dati sa Guam. I can’t complain kasi nasa ER naman ako dati nagtra-trabaho. It could always get worse ika nga na baka nasa disyerto ako at round the clock duty for six months o depende sa misyon.

Hmmm, Sunday. Naaalala ko dati I hated Sundays. Nade-depress ako tuwing Sunday. Pag-Sunday na kasi may pasok na kinabukasan eh noong nasa college ako that means babalik na naman ako sa Manila para sa klase galing probinsya. Kung maaga akong bumibiyahe eh pagdating ko sa dorm sa Manila eh solo ako doon at walang makausap. Yung ibang mga umuuwi sa probinsya eh sa gabi pa o di kaya early Monday pa bumibiyahe. Lakad ka sa kalye wal ring tao kasi nga Linggo. Dati palagi ako nagsisimba ng maykasama pero noong naghiwalay kami hayun mahirap magsimba ng solo. Ang gusto ko lang sa Linggo noon eh mapapanood ko yung sinusubaybayang kong Dragon Ball sa channel 9 pa. Noon pati pinagsi-simba ako eh tampo nga ako dati sa simbahan kaya nakikitambay ako sa bahay ng tropa ng isang oras. Pagkatapos noon pagtumunog na ang kampana, makikisabay na ako paibaba sa mga taong galing simbahan.

Dito sa Japan ang Sunday eh Saturday sa mga local kasi Sunday & Monday ang kanilang weekend. Ang kinaganda noon eh pagmagda-drive ka ng Monday morning papuntang trabaho eh di masyado traffic.

Haay. May pasok na naman bukas. Naaalala ko tuloy noong nasa barko ako, di mo malaman kung anong araw na kasi "everyday is a working day" except Sunday. Sa boot camp Halfday kayong walang ginagawa, actually nagmamalantsa, nagsusulat o di kaya nagbibiton ng boots pag-Sunday.

Ang gustong-gusto ko dati sa Linggo eh yung SaLinggonAPOsila at ASAP kasi dati pinapalabas nila yung mga banda dati. Sa isang probinsyanong katulad ko na di nakakapunta sa Dredd, 70’s Bistro, Red Rocks o Mayric’s eh napakalaking bagay na yun. Tandang tanda ko pa noong una kong nakitang tumugtog ang Rozarback sa ASAP, ang tinugtog nila eh yung "Payaso" sabi ni Martin Nievera eh ang ganda daw ng meaning ng kanta. Sa tingin ko eh BS lang nya yun, epal kasi. Tapos tuwang tuwa ako noong tumugtog din ang POT, naghubad pa nga noon si Karl Roy pero pinagsuot siya ng damit pagkatapos ng kanta, he he! Nagulat siguro, bakit? Kesyo di sikat sa mainstream eh di kayo kayang gulatin?! Ngayon eh wala ng kwenta ang mga ASAP. Puro pa-tweetums at pa-inggit kasi di mo afford ang mga bagong uso. Nakakatuwa kung minsan kasi tumutugtog pa rin yung ibang mga paborito kong banda. Patawa nga nung tumugtog yung Bamboo. Mukhang ewan yung mga artistang nakikisabay. Oo nga pala? Bakit pa kaya sila pinapakanta doon kung babasahin lang naman nila yung monitor? Ewan?! Sa atin nga naman.